Жаңалықтарды Telegram арнамыздан оқыңыз!Қостанайда тасқыннан зардап шеккен 50-ге жуық кәсіпкерден өтемақы алуға өтініш түскен. Соның алғашқы екеуі бойынша, комиссия отырысы өтіп, оң шешім қабылданды. Енді олардың шығыны толық өтеледі. Комиссия отырыстары, өтініштердің түсу ретіне қарай өтеді. Ережеге сәйкес, ақшалай қаражат тиісті шешім қабылданған күннен бастап, 10 жұмыс күні ішінде кәсіпкердің есепшотына түседі. Облыс бойынша, су тасқыны салдарынан, бизнес нысандарына келген зиян орташа есеппен 27 млрд теңгеден асады.
Ольга Дорофеева, кәсіпкер:Менің «Солнечный» супермаркетінде макулатура өңдейтін кәсіпорным болды. Су тасқынынан шығынға ұшыраған соң аймақтық комиссияға өтініш бердім. Комиссия бәрін тексеріп, оң шешім шығарды. Енді санаулы күндерден соң есеп шотымызға қаржы түссе, кәсібімізді қайта бастаймыз.
Дәуренбек Әбдібек
