Жаңалықтарды Telegram арнамыздан оқыңыз!Еліміздің Сыртқы істер министрлігі АҚШ-тың Таяу Шығыстағы ахуалды тұрақтандыру жөніндегі бастамасына қатысты хабарлама таратты. Ведомства мәліметінше, Қазақстан халықаралық қауымдастықтың Таяу Шығыстағы жағдайды тұрақтандыруға бағытталған әрекетін барынша қолдайды.
Ақ үйдің Израиль мен ХАМАС арасындағы атысты тоқтату, кепілге алынған адамдарды босату, гуманитарлық көмекті қамтамасыз ету, халықаралық қоғамдастықтың қолдауымен Газа секторын қалпына келтіру жайлы бейбітшілік бастамасын да құптайды. Сондай-ақ ұзақ жылға созылған қақтығыстың жалғыз шешімі ретінде «екі халық үшін екі мемлекет» формуласы негізінде астанасы Шығыс Иерусалим болатын Палестина Мемлекетін құру туралы Қазақстанның мызғымас ұстанымын растаймыз - делінген хабарламада.
