Жаңалықтарды Telegram арнамыздан оқыңыз!Бесінші Дүниежүзілік көшпенділер ойыны кезінде оқушылар сабақты қашықтан оқуы мүмкін немесе оқу уақыты кейінге шегеріледі. Бұл туралы Туризм және спорт министрлігінің өкілдері мәлімдеді. Жалпы, қазірге дейін көшпенділер ойынына қатысуға 89 мемлекет өтінім берген. Шамамен 2500 спортшы қатыспақ. Ал осы кезде Астанаға келетін турист саны 100 мыңнан асады деген болжам бар. Байрақты бәсеке ат спорты түрлері, ұлттық күрес түрлері, садақ ату, интеллектуалды ойындар, саятшылық өнер сияқты ұлттық спорттың 21 түрінен жарыс өтеді. Ашылу және жабылу салтанаты өтетін «Астана-Арена» мен «Қазанат» ипподромында жөндеу жұмыстары жалғасуда.
Асылбек Данияр
