Оралда базардағы газ баллоны жарылысынан зардап шеккен екі адам әлі жансақтау бөлімінде жатыр. Олардың бірі - денесінің 91 %-ын күйік шалған ер адам. Екіншісі - 17 жастағы азамат. Одан бөлек, бес адам травматология бөлімшесінде емделіп жатыр. Олардың бірі – 15 жастағы ер бала. Оқиға «Ел ырысы» базарының аумағында Құрбан айтқа сойылған малдың басын үйітуге дайындалған жерде болған. Жарылыс пен өрттен он адам зардап шегіп, 9-ы ауруханаға түскен еді. Екеуі амбулаториялық емге жіберілген. Қазір қылмыстық іс қозғалып, тергеу жүріп жатыр.
Ардақ Мұратқызы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Оралда базарда газ баллоны жарылды: Екі адам жансақтау бөлімінде жатыр&mh_tags=Qazaqstan&mh_page=https://qazaqstan.tv./index.php/news/195733/)