Жаңалықтарды Telegram арнамыздан оқыңыз!Сонымен, бүгін Қытай елінен шыққан жүк керуені, екі елдің Президенттерінің қатысуымен Ақтау мен Құрық портынан Әзербайжан, Грузия, Түркия және Еуропа елдеріне бет алды. Транскаспий - Ұлы жібек жолының жалғасы іспетті. Мың жылдық тарихы бар Ұлы жібек Жолы, Қытайдың ХуанХэ өзенінен аңғарынан басталып, Жерорта теңізінің Шығыс жағалауына дейін жетті. Батыс пен Шығысты жалғайтын бағыттың ұзындығы- 12 мың шақырымнан асады. Бүгінгі Ұлы жібек жолы - Транскаспий дәлізі де, дәл осындай қашықтықты қамтиды. Қытайдың ЛяньЮньган портынан басталады. Бұдан әрі Қорғас құрғақ портына, Достық бекетіне келеді. Кейін тауар тиелген вагондар Ақтау мен Құрық порттарына жеткізіледі. Тізбек әрі қарай Әзербайжан, Грузия және Түркияға жетіп, Қара теңіз арқылы Еуропаға шығады. Бұ¬рын Қытайдан Транскаспий арқылы Қара теңіздегі порттарға жүк жеткізу уақыты 53 күн болса, қазір небәрі 18-23 күн. Транскаспий халықаралық көлік дәлізі – мультимодальды бағыт. Мұнда теміржол да, теңіз жолы да, құрғақ порт та бар. Жылына 6 млн тонна жүкті тасымалдайды. 2025 жылы бұл көлемді 10 млн тоннаға жеткізу міндеті тұр.
Раушан Сайлауқызы
