Жаңалықтарды Telegram арнамыздан оқыңыз!Ұлыбританияда өткен Жалпы сайлауда Лейбористер жеңіске жетті. Бұған дейін бірнеше жыл оппозицияда болған партия көп дауыс жинады.
Марина Бекенова, тілші:
Лейбористер парламенттің Қауымдар палатасындағы 650 орынның 400-ден астамына қол жеткізді. Консерваторлар 110-дай дауыс жинап, антирекорд орнатты. Үшінші орында Либерал-демократтар. Жеңімпаз партияның көшбасшысы Кир Стармер өзгерістердің уақыты келіп жетті,- деп мәлімдеді.
Кир Стармер, Лейбористер партиясының көшбасшысы:
Біз өмірдің жаңа парағын ашамыз дедік және дегенімізге жеттік. Бүгін біз келесі тарауды бастаймыз: билік партиясы жасаған бейберекетсіздікті тоқтатамыз, өзгерістер әкелеміз. Сіздерге рахмет!
Жаңа премьер-министр Кир Стармер 61 жаста. Англияның Лидс университетін азаматтық құқық мамандығы бойынша үздік аяқтаған. 4 жылдан бері Лейбористер партиясына жетекшілік етіп келеді. Риши Сунак жеңілісі үшін әріптестерінен кешірім сұрады. Енді ол үшінші Чарльз патшаның қабылдауында болып, қызметінен босату туралы өтініш білдіреді.
Марина Бекенова
