Солтүстік Қазақстанда тасқыннан зардап шеккен азаматтар үшін 775 баспана сатып алынды. Одан бөлек, жөндеуге жарамды үйлер қалыпқа келтірілуде. «Қызылжар асар» қоғамдық қоры арқылы 15 млрд теңгеден астам қаржы игерілді. Облыста 4 мыңға жуық үйді су басқан еді. Оның жартысы жөндеуге жарамсыз деп танылды. Бүлінген үйлердің басым бөлігі Петропавлда орналасқан.
Қалалық қоғамдық комиссияның мәліметінше, баспанасыз қалған 1700-ден астам адамның өтініші қаралды. Олардың 1200-і облыс орталығынан пәтер алуға ниет білдірген. Ал 500 адам «Бірлік» шағын ауданында жаңадан салынып жатқан үйлерді алуға өтініш жазды.
Қанат Омаров, «Қызылжар асар» қоғамдық қорының директоры:
Комиссияларға зардап шеккендер өздерінің арызын береді. Сол арыз қаралады, сол жерде. Сол жерде өздері тапқан үйді сатушымен келісіп, сол үйді сатып алып, сол үй соларға берілед. Әкімшілік арқылы.
Эльмира Кәленова
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Солтүстік Қазақстанда тасқыннан зардап шеккендер үшін 775 баспана сатып алынды&mh_tags=Qazaqstan&mh_page=https://qazaqstan.tv./index.php/news/196531/)