Жаңалықтарды Telegram арнамыздан оқыңыз!Мектеп құралдарын алу үшін 80 мыңға жуық ата-анаға ақша аударылады. Балалар құқығын қорғау комитетінің дерегінше, «Жалпыға бірдей білім қоры» 510 мың балаға 43 мың 407 теңгеден бөледі. Олардың қатарында атаулы әлеуметтік көмек алатын отбасылардағы мектеп оқушылары мен табысы ең төменгі күнкөріс деңгейінен төмен отбасылардың балалары бар. Сонымен қатар жетім балалар мен төтенше жағдайға тап болған отбасылар да кіреді.
Насымжан Оспанова, ҚР Оқу-ағарту министрлігі балалардың құқықтарын қорғау комитетінің төрағасы:
Алматыда берілетін көмек көлемі 50 мың теңгеден басталады. Қалған өңірде 43 мың теңге. Бұл ата-аналар мен балаларға киім-кешек пен мектеп керек-жарақтарын жеткізушілерді өз бетінше таңдауға мүмкіндік береді. Осылайша сапасыз тауарларды алуды болдырмайды.
Динара Жарқынбек
