Орталық Азиямен ықпалдастыққа жаһан елдері, халықаралық ұйымдар қызығушылық танытып отыр. Осылайша өңірдің әлемдік арена субъектісі ретіндегі орнын бекітуге маңызды қадам жасалып жатыр. Мемлекет басшысы Қасым-Жомарт Тоқаев «Орталық Азия ренессансы: орнықты даму және өркендеу жолы» деген мақаласында осылай деп жазды.
Қазіргі таңда осы 5 елмен байланыс орнатуға мүдделі елдер қатары артып келеді. Бүгінге дейін «Орталық Азия плюс» форматында 9 саммит және жоғары деңгейдегі кездесу өткен. Біз мұндай мүмкіндікті бірлесе пайдалануымыз керек деді,- Президент. Соңғы жылдары Орталық Азия елдері арасындағы байланыс та қарқынды дамып келеді.
Қасым-Жомарт Тоқаев, Қазақстан Республикасының Президенті:
Кейінгі 5 жылда өзара сауда айналымы 2 есеге жуық көбейіп, 5,7 миллиард доллардан 11 миллиард долларға дейін артты. Өткен жылдың қорытындысы бойынша, ішкі тауар айналымы 25%-ға өсті. Соның ішінде Қазақстанның Орталық Азия елдерімен саудасы былтыр 26,8%-ға артып, 8 миллиард долларға жетті. Бірлескен ірі жобалар оған қатысушы елдерге қомақты пайда әкеліп қана қоймай, Орталық Азия экономикасының бүкіл құрылымын өзгертіп отыр, - деп жазды Президент.
Оңғар Алпысбайұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Орталық Азиямен ықпалдастық орнатуға мүдделі елдер көбейіп келеді&mh_tags=Qazaqstan&mh_page=https://qazaqstan.tv./index.php/news/197686/)