Жаңалықтарды Telegram арнамыздан оқыңыз!Конго Демократиялық Республикасында маймыл шешегінен қайтыс болғандар саны 548-ге жетті. Мұны осы елдің денсаулық сақтау министрі мәлімдеді. Көршілес Конгода болса, 2023 жылдан бері жұқпалы вирустан мыңнан астам тұрғын көз жұмған. Бұған қоса, маймыл шешегі алғаш рет Пәкістанда тіркелді. Айта кетсек, бүгінге дейін бұл инфекция «Қара құрлықтың» 12 мемлекетінде анықталды. Осы ретте Дүниежүзілік денсаулық сақтау ұйымы төтенше жағдай жариялады. Дегенмен Біріккен Ұлттар Ұйымының мәлімдеуінше, әзірге әлем мемлекеттері арасында шекараларды жауып, сапарларды шектеуге ешқандай негіз жоқ.
Арыстан Рысбек
