Ал Дүниежүзілік денсаулық сақтау ұйымы Африканың маймыл шешегіне қарсы вакцинацияға дайындығын тексере бастады. Мұны осы агенттіктің өкілі Самуэль Боланд мәлімдеді. Қауіпті вирус Конго мен Конго Демократиялық Республикасында ондаған мың адамнан анықталып, Қара құрлықтың оннан астам еліне тарады. Одан жүздеген адам қайтыс болған. Осыған байланысты жақында Дүниежүзілік денсаулық сақтау министрлігі жаһандық деңгейде төтенше жағдай жариялағаны белгілі.
Ханс Клюге, ДДСҰ-ның Еуропадағы аймақтық директоры:
Маймыл шешегі жаңа ковид емес. Бірақ бұл вируспен аймақтар мен құрлықтарда бірлесіп күрескеніміз абзал. Шығыс және Орталық Африка елдерінде өршіген індет Еуропаға да жетті. Оның жаңа штамы жөнінде көп білеміз. Бірақ білмейтініміз де аз емес тәрізді.
Арыстан Рысбек
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=ДДСҰ: Африканың вакцинацияға әзірлігі тексеріліп жатыр&mh_tags=Qazaqstan&mh_page=https://qazaqstan.tv./index.php/news/198060/)