Жаңалықтарды Telegram арнамыздан оқыңыз!Алматы қаласының емханалары 1 қыркүйектен бастап күшейтілген режимде жұмыс істейді. Күз және қыс маусымындағы тұмау және жіті респираторлық вирустық инфекциялардың таралу қаупіне байланысты қалалық қоғамдық денсаулық сақтау басқармасы осындай шешім қабылдаған. Қазір шаһар бойынша 186 жедел жәрдем бригадасы жұмыс істеп тұр. Шақыртулар көбейсе, олардың санын 200-ге жеткізуге мүмкіндік бар. Стационарларда 450-ден астам орын дайын тұр. Қажет жағдайда тағы 90 орын жабдықтауға болады. Ауруханалар да жедел ем шараларын жүргізуге дайын, - деді басқарма мамандары.
Оңғар Алпысбай
