Жаңалықтарды Telegram арнамыздан оқыңыз!Конституциялық реформаның нәтижесінде құрылған Конституциялық Сот бүгінде Әділетті Қазақстанның құқық саласына оң серпін беретін тәуелсіз институтқа айналды. Конституциялық сотқа 2023 жылдың 1 қаңтарынан бері 7 мыңға жуық азаматтан өтініш түскен. Нәтижесінде 252 шешім қабылданып, Ата Заңға сәйкес келмейтін 50 нормативтік қаулы мен заңға тәуелді актілердің нақты нормалары анықталған. Қазір бұл органға ай сайын әділдік іздеген 500-ден астам азаматтан өтініш түседі. Мамандар Конституциялық Сот Ата Заңның үстемдігін қамтамасыз етіп отыр. Сондықтан құқықтық, азаматтық қоғам үшін керек құрылым дейді.
Бахтияр Бөлеулиев, Заң ғылымдарының докторы:
Конституциялық Сот нақты қылмыстық, азаматтық әкімшілік істерді қарамайды. Бірақ аудандық, облыстық, Жоғарғы сот шығарған шешімдерді, қолданылған заңдар қаншалықты Ата заңымызға сай екенін тексереді. Біздің азаматтарға, қоғамға өте керек орган.
