Жаңалықтарды Telegram арнамыздан оқыңыз!«Отау» мен «Наурыз» ипотекалық бағдарламаларының шарттары жеңілдетілді. «Отбасы банк» бағдарлама талаптарына бірқатар өзгеріс енгізді.
Үй кезегінде тұрған әлеуметтік осал топтар үшін «Отау» бағдарламасының мөлшерлемесі 9%-дан 7%-ға дейін төмендейді. Салым жинақтау мерзіміне еш шектеу жоқ. Қарыз алушы бағдарламаға өтініш берер кезде депозит аша алады. Ал бұрын жинаққа 1,5 жыл бойы қаражат жинау талап етілетін. Сондай-ақ, несие сомасы Астана мен Алматы тұрғындары үшін 30 млн-нан 36 млн теңгеге дейін, өзге өңір тұрғындары үшін 18 млн-нан 30 млн теңгеге дейін артты. Астана мен Алматыдан пәтер алатындарға қойылатын тіркеу талабы да, алынып тасталды.
Данагүл Түсіпова, «Отбасы банк» АҚ Алматы филиалының директоры:
«Наурыз» бағдарламасында қандай көрсеткіштерге балл берілсе, сол көрсеткіштер бойынша «Отау» бағдарламасында да берілетін болады. Жалп ұпайлары ең біріншіден отбасының бар ма, ерлі-зайыпты ма деген сияқты, баласы болса, ұпай беріледі. Белгілі бір топ бойынша кезекте тұрған болса, оған қосымша ұпай беріледі. 16 қыркүйектен 25 қыркүйек арасында «Отау» және «Наурыз» бағдарламалары бойынша қосымша өтінім қабылдау басталатын болады.
Айдана Қуантхан
