Жаңалықтарды Telegram арнамыздан оқыңыз!Алматы облысында күйдіргімен ауырғандар саны 11 адамға жетті. 16 науқас ауруханада жатыр. Олардың 11-нен «күйдіргі» диагнозы расталса, 4 науқастан алынған сынаманың қорытындысы теріс нәтиже көрсеткен. Қазір барлығы Алматыдағы жұқпалы аурулар клиникалық ауруханасында ем алып жатыр. Олардың жағдайы тұрақты, - дейді дәрігерлер. Облыстық денсаулық сақтау басқармасы басшысының айтуынша, аурудың таралуы байқалмайды, жағдай бақылауда.
Бірақ тұрғындарды қырағы болуға шақырып отыр. Ет өнімдерін тексерілген жерлерден сатып алуға кеңес береді. Айта кетейік, 1 қыркүйекте Ұйғыр ауданы Үлкен Ақсу ауылдық округінде сібір жарасына күдікпен төрт жағдай тіркелді. Ұйғыр ауданы Үлкен Ақсу ауылында карантин енгізіліп, эпидемиологиялық ошақ оқшауланған.
Қуан Нұрақын
