Жаңалықтарды Telegram арнамыздан оқыңыз!Ливанда тағы да жарылыс. Бұл жолы «Хезболла» қарулы тобы мүшелерінің қолындағы рациялардың күлі көкке ұшқан. «Рейтердің» хабарлауынша, оқиға Бейрут пен оңтүстіктікте болған. 20 адам қаза тауып, 450-і жараланды. Мұның алдында Ливанда пейджерлер жарылған еді. Одан 12 адам мерт болып, 3 мыңға жуығы зардап шекті.
Жергілікті үкіметтің мәлімдеуінше, байланыс құралдарына бірнеше ай бұрын Израильдің «Моссад» агенттері жарылғыш зат салған. Ресми Тель-Авив оны мойындамай отыр. Израиль аймақтағы соғыстың жаңа кезеңі басталғанын жариялады. Айта кетсек, «Хезболланың» зымырандық шабуылдарынан Израильдің солтүстігінде 60 мыңдай адам үйлерін тастап кеткен.
Арыстан Рысбек
