Жаңалықтарды Telegram арнамыздан оқыңыз!Ливанда радиолар мен пейджерлердің жарылуы елдің онсыз да әлсіз денсаулық сақтау жүйесіне ауыр салмақ болды. Дүниежүзілік денсаулық сақтау ұйымының басшысы Тедрос Адханом Гебрейесус осылай деп мәлімдеді. Аталған ұйым сол жарылыстан зардап шеккендерге қажетті қан мен медициналық құралдарды үлестірген.
Соңғы мәліметтерге сай, Ливанда пейджерлер жарылысынан 37 адам қаза тауып, 3 мыңнан астамы жараланды. Хезболла тобының лидері Хасан Насралла шабуылға Израильді айыптады. Бұл әрекет жауапсыз қалмайтынын алға тартты. Ал Израиль болса, бейсенбіде Ливанды шабуылдап, Хезболлаға тиесілі 100-ден астам зымыран қондырғысын жойғанын мәлімдеді.
Арай Төлегенқызы
