Жаңалықтарды Telegram арнамыздан оқыңыз!Елдегі азаматтық қоғамды дамытудың тұжырымдамасын жетілдіретін тұсы көп. Мәдениет және ақпарат министрлігінің ұйымдастыруымен Өскеменде азаматтық қоғамды дамыту жөнінде кеңес өтті. Оған әр өңірдегі академиялық-сараптамалық қоғам өкілдері мен волонтерлер және Астана мен Алматы қаласынан барған сарапшылар қатысты. Үкіметтік емес ұйымдар үнемі өз ұсыныстарын білдіріп келеді. Алайда орталық және атқарушы органдар ол ұсынысты көбінесе есепке ала бермейді. Сондықтан әр мемлекеттік мекеме өз саласына қатысты ұтымды ұсынысты дер кезінде үйлестіріп отыруы қажет.
Риззат Тасым, қоғамдық даму институты зерттеу орталығының басшысы:
Өңірлерде азаматтық қоғам белсенділігі өте жоғары деңгейде. Әсіресе көп мәселелер өңірлерде шешіледі. Әрбір өңірдегі кәсіби, белсенді үкіметтік емес ұйымдар және азаматтық қоғам белсенділері қатысып отыр. Бүгінгі диалогтың арқасында алдағы ортақ бағыт-бағдар белгіленеді деген сенім мол.
Олжас Керейхан
