Жаңалықтарды Telegram арнамыздан оқыңыз!Шетелдік балалар бестеллері қазақшаға аударылады. Бұл туралы Елордада өтіп жатқан «Astana media week» апталығындағы сессияда айтылды. Дәстүрлі шарада Халықаралық БАҚ өкілдері мен отандық журналистер балалар контентін талқылады. Қазіргі өскелең ұрпақтың дұрыс қалыптасуына, кішкентайынан көретін арналар тікелей әсер етеді дейді. Сондай-ақ мектептерде буллингті азайтуға көмектесетін психологиялық кітапты ұсынды. Ол арқылы балалар бір біріне мейірімділік пен жанашырлық танытуға мүмкіндік береді дейді.
Ойстейн Кристиансен, норвегиялық суретші, тележүргізуші:
Балалар тек телеарнаны ғана емес, қаптаған әлеуметтік желілерді де қарайды. Оларға дұрыс жол көрсету үшін жасап жатқан контентті бұрынғыдан да қызығырақ ету керек. Әрі достықты дәріптейтін жобаларды көбейту маңызды. Сондай-ақ мектептерде эмоциямен алмасатын, балалар бір бірімен сыр шертетіндей сабақтар өткізген жөн. Мәселен біз ұсынған кітапшада балалар арасындағы мейірімділікті оятуға көмектесетін тәсілдер жазылған.
