Жаңалықтарды Telegram арнамыздан оқыңыз!Көктемгі егіс жұмыстарына фермерлерді қаржыландыру биыл басталады. Бұл туралы Премьер-Министрінің орынбасары Серік Жұмағарин Қостанай облысында фермерлерімен кездесуінде айтты. Вице-премьер егіс алқабында мемлекеттік қолдау шараларын талқылады. Шаруалар көктемгі егіс жұмыстарын ерте қаржыландыру туралы жаңалықты қуана қабылдады. Олар сондай-ақ 4-сыныпты бидайды форвардтық сатып алу бағасы қанша болатынына қызығушылық танытты. Премьер-Министрдің орынбасары фермерлердің бағаға қатысты сауалдарын тыңдап, Азық-түлік корпорациясына оның мөлшерін мүмкіндігінше тезірек жариялауды тапсырды. Дейтұрғанмен, фермерлерді қолдау үшін бюджеттен бөлінетін қаражат ұлғаяды.
Серік Жұманғарин, ҚР Премьер-Министрінің орынбасары:
Көктемгі-күзгі дала жұмыстарына жеңілдігі бар қаржыландыру көлемін 700 млрд теңгеге дейін ұлғайтамыз, оның шамамен 40%-ы «Даму» қоры арқылы кепілдендіріледі. Ауыл шаруашылығы техникасын лизингке кредиттеу көлемі 100 млрд теңгеден 200 млрд теңгеге дейін өседі. Нәтижесінде жыл сайынғы жұмыстарды қамтамасыз ету үшін фермерлерді қолдау сомасы 900 млрд теңгеге дейін ұлғаяды.
Аида Ахметбек
