Жаңалықтарды Telegram арнамыздан оқыңыз!Қостанайда заманауи технологиямен жарақталған бірегей медициналық орталық ашылды.
Клиникалық база 40 төсекке есептелген. Мұнда жоғары санатты мамандар медицинаның озық тәжірибесін қолдана отырып, халыққа қызмет көрсетеді. Тұрғындар міндетті медициналық сақтандыру қоры бөлген қаражат көлемі аясында тегін емделе алады. Сондай-ақ, ақылы негізде де қаралуға болады.
Виктор Гаврилов, медицина орталығының бас дәрігері:
Бірде бір емханада операция жасалмайды. Осы клиникада жылына 2 мыңға жуық операция жасайтын мүмкіндігіміз бар. Құрал-жабдық жеткілікті. 15 шақты білікті маман жұмыс істейді. Міндетті медициналық сақтандыру аясында ең күрделі операцияларды жасаймыз.
Өңірде денсаулық саласына бөлінген қаржы жыл сайын ұлғайып келеді, соның арқасында медицина мекемелерінің материалдық-техникалық базасы нығая түскен. Жаңадан ашылған орталық аймақтағы денсаулық сақтау саласының дамуына тың серпін бермек.
Құмар Ақсақалов, облыс әкімі:
Өңірде жаңа емдеу мекемелері салынып, жұмыс істеп тұрғандары қайта жөнделіп жатыр. Денсаулық сақтау саласында оң өзгерістер бар. Бұндай орталықтардың ашылып жатқаны өте жақсы, өйткені ұлт саулағы біздің басты байлығымыз.
Дәуренбек Әбдібек
