Жаңалықтарды Telegram арнамыздан оқыңыз!«Болашақ» халықаралық оқу бағдарламасына өзгерістер енгізу жоспары бар. Жобасы ашық порталда жарияланды. Сөз жоқ, тамаша бағдарлама. Дегенмен уақыт өте сұрақтар қатталып қалды.
Әлемнің мықты оқу ордаларынан білім алып келіп таратады, дамудың көшіне тезірек ілесуге көмектеседі деген жастар сол үдеден шықты ма, ықпал етті ме? Сол жағы зерттелді ме, өзі? Шамшырақ болып жанғандар неге өте аз? «Лидер» деген кейбірінің бет-бейнесін көріп жирендік. Мысалы, Бишімбаев. Айтпақшы Салтанат Нүкенованы қорлап өлтіргеніне бір жыл...
2. Ел дамуына керек мамандықтарға оқып жатыр дейміз, қай мамандықтар, ол? Былай қарасақ, маңызды емес сала жоқ.
Білім саласын білетін кейбір мамандар бағдарламаны жақсылап реформалау керек, әйтпесе, тіпті жауып тастап, елдегі жоғары білім жүйесін дамыту қажет деген пікір айта бастады. Себебі бағдарламаның бюджеті аз емес.
Бір магистрантты дайындау үшін шамамен 10-15 миллион теңге, ал докторантқа 20-25 миллионға жуық теңге бөлінеді. Дегенмен барды жоқ қылудан оңай нәрсе жоқ. Сондықтан проблеманы бүкпесіз талдап-таразылау керек. Елдос Есенбол әңгімені бастайды.
