Жаңалықтарды Telegram арнамыздан оқыңыз!Премьер-министр Олжас Бектенов Назарбаев университеті жанындағы технопарк жобаларымен танысты. «Назарбаев Қоры» Жоғары қамқоршылық кеңесінің отырысына қатысты. Жиында оқу орнының нәтижелері мен одан әрі даму жоспарлары талқыланды. Оқу ордасы Орталық Азия аймағындағы жетекші жоғары білім беру, зерттеу және инновация мекемелерінің біріне айналған. Университет жанындағы технопаркте Үкімет басшысы денсаулық сақтау, жасанды интеллект пен тау-кен металлургия салаларындағы озық ғылыми әзірлемелермен танысты. Премьер-министрге ауданы 3 мың шаршы метр технопарк аумағында 32 қазақстандық компания жұмыс істейтіні, олардың өнімдерін коммерцияландыру бағытында атқарылып жатқан жұмыстар баяндалды. Университет ТМД елдері арасында үздік 2-ші, ал әлемдегі үздік 300 оқу орнының қатарына кіруді мақсат еткен.
Сейітжан Сыпабеков, кәсіпорын басшысы:
Біз коронарлық стендтер шығарамыз. Үш жылдың ішінде клин румс деген бөлмелер жасап, осы технопарк ішінде фабрикамызды іске қостық. Қазіргі таңда Қазақстан бойынша жұмыс істеп жатырмыз. 27 клиникамен жұмыс істеудеміз.
Шыңғыс Дәулетбаев, стартап компания директоры:
Инсульттан зақым алған және серебралды параллич адамдарға арналған экзоқаңқа. Технологиямызды коммерциялауды жоспарлап отырмыз. Біздің елде техникалық мамандарға сұраныс бар деп ойлаймын.
Динара Жарқынбек
