Жаңалықтарды Telegram арнамыздан оқыңыз!Белгілі журналист Бейсен Құранбектің идеясымен түсірілген «Ұстаз» атты фильм көрерменге жол тартты. Сценарийін марқұмның жары Гүлмира Зербай жазған. Туындыда өз ауылына қайтып ұстаздық ете бастаған мұғалімнің бастан кешкен оқиғалары баяндалады. Жас маман балалардың білімге деген құштарлығын ояту үшін түрлі тәсіл қолданады. Оқушылардың арман-мақсатқа жетуіне шабыттандырады. Фильмнің мақсаты – қоғамдағы педагог мәртебесін өсіру. Толықметражды кино бір айға жуық уақыт ішінде Жетісу облысында түсірілген.
Еркебұлан Айдынбаев, актер:
Маған балалармен жұмыс жасау оңай емес. Бір бала тұйық болады. Біреуі өнерге-білімге құштар болады. Актер болғаннан кейін біз енді білімде жүрген, ұстаз боп жүрген адамдарды онша түсіне бермейміз ғой. Енді осы ұстаз мамандығын қандай қиын екенін түсіндім.
Айя Мүтәлі
