Жаңалықтарды Telegram арнамыздан оқыңыз!«Ұлы Дала» республикалық шығармашылық байқауының жеңімпаздары белгілі болды. Бесінші мәрте өткізілген әдеби сайыс биыл Бердібек Соқпақбаевтың 100 жылдығына арналды.
Жарыстың ақтық кезеңіне 150 шығарма іріктеліп, үздік туындылардың авторлары марапатталды. Сондай-ақ «Үш бәйтерек», «Алаш аманаты» және Бердібек Соқпақбаевтың мерейтойына арналған арнайы сыйлық иелері анықталды. Байқау аясында жазушыға арналған көрме де ұйымдастырылды.
Ерлан Қошанов, Мәжіліс төрағасы:
Бұл байқау талай бұлақтың көзін ашты. Қалам ұстаған талай таланттың танылуына септігін тигізді. Бәріміздің ойымыз да, мақсатымыз да бір. Ол – елге қызмет ету. Байқасаңыздар, Мемлекет басшысы өз сөзінде рух деген сөзді өте жиі айтады. Әділдік, адалдық, отан сүйгіштік, еңбекқорлық, оның ішінде адал еңбек сияқты құндылықтарға ерекше мән береді. Сіздердің шығармаларыңызға да құндылықтарға, елдегі оң өзгерістерге арқау болады деп мен сенемін.
Темірлан Нұрсолтан
