Жаңалықтарды Telegram арнамыздан оқыңыз!2025 жыл - Жұмысшы мамандықтары жылы. Осылайша, Қасым-Жомарт Тоқаевтың бастамасымен қоғамда адал еңбек пен азаматтық құндылықтарды дәріптеуге басымдық берілді.
Биылдан бастап ғалымдар, құрылысшылар, кеншілер мен геологтерге, сондай-ақ, шаруаларға мемлекетік наградалар табысталды. Тұңғыш рет Қазақстанның еңбек сіңірген дәрігері атағы берілді. Еңбек күнін бекітті. Бұдан бөлек, Президенттің бастамасымен сәуір айында жалпыұлттық «Таза Қазақстан» экологиялық акциясы басталды.
«Таза Қазақстан» акциясына 2,4 млн адам қатысты
Жыл бойы жүргізілген акцияға 2,4 миллионға жуық адам қатысты. Жүздеген мың аула мен аумақ тазартылып, 900 мың тоннадан аса қоқыс шығарылды. Шамамен 2,5 миллион көшет отырғызылды. 20 мыңнан аса әлеуметтік нысанның аумағы, 4,6 мыңнан аса қоғамдық орындар, саябақтар, шағын бақтар абаттандырылды. 5 мыңнан аса тарихи-мәдени нысан және 758 субұрқақ ретке келтірілді.
Айя Мүтәлі
