Жаңалықтарды Telegram арнамыздан оқыңыз!Теміртау қаласында мыңнан астам үй газға қосылды. 2023 жылдың сәуір айында құрылыс басталып, 43 шақырым газ желісі тартылды. Қалада 2 газ тарату кешені кезең-кезеңмен іске қосылғаннан кейін тағы 1700 жеке үйге табиғи отын беріледі. Сондай-ақ, металлургиялық комбинатты газбен қамту мәселесі де шешіледі. Өңірге барған Сенат депуттары қаладағы әлеуметтік маңызды нысандарды аралап, шағын және орта бизнес өкілдерімен кездесті.
Серік Өтешов, ҚР Парламенті Сенатының депутаты:
Қоғамдық кеңес мүшелерінің көтергені шағын және орта бизнес болды. Оның бәрін жан-жақты айттық. Теміртау қаласының экологиялық мәселесі ертеден келе жатқан мәселе. Жаңа біз кездесудің алдында осы әңгімені құрдық. Бүгінгі күнге комбинатты газбен қамту шешімін тауып жатыр.
Ал, Жетісу облысының Ескелді ауданында қаңтар айында екі емдеу мекемесі пайдалануға беріледі. Матай Байысов ауылында фельдшерлік-акушерлік пункттің, ал Шымыр ауылында дәрігерлік амбулаторияның құрылысы аяқталуға жақын. Өңірге барған Сенат депутаттары нысандарды аралап, жұмыс сапасын көрді. Мердігерлерге жұмысты уақытылы аяқтауды тапсырды. Сондай-ақ, халық қалаулылары жуырда ашылған спорт кешені мен жөндеуден өткен білім ордасының да сапасын қарап шықты.
Амангелді Толамисов, ҚР Парламенті Сенатының депутаты:
Газ желісін тартуға өңірге біраз қаражат бөлінді. Балқаштағы туристік бағдарламаларды дамытуға, коммуникацияларды жүргізуге, жолдарын жасауға үлкен жұмыстар жүргізілді. Содан кейін биылғы жылы Алакөл жағалауын күшейтуге байланысты қаражат биыл бөлінді.
Жандос Бақытұлы, Қуаныш Қанатұлы
