Жаңалықтарды Telegram арнамыздан оқыңыз!Еуропалық Одақ пен оның серіктестері Сирия мен оған көршілес мемлекеттерге 5,8 млрд еуро бөлуге уәде берді. Бұл қаржы Араб республикасына өтпелі кезеңде қолдау көрсетуге, халықтың қажеттіліктерін өтеуге бағытталады. Сирияда соңғы апталарда зорлық-зомбылық жиіледі. Ел билігі қауіпсіздік күштеріне экс-президент Башар Асадты жақтайтын күштер шабуыл жасады деп мәлімдеген еді.
Дубравка Шуйка, Жерорта теңізі елдері бойынша еурокомиссар:
Сирияға қаржы бөлуге арналған конференция сәтті өтті. Біз жеткілікті сома бөлуге келістік. 5,8 млрд еуроның 2,4-і - грант, 1,6 миллиарды ғана - несие. Осы арқылы Сирия ертерек қалпына келеді деп үміттенеміз. Ақша Сирия азаматтарының игілігіне жұмсалуға тиіс.
Арай Төлегенқызы
