Жаңалықтарды Telegram арнамыздан оқыңыз!Алдағы уақытта елімізде өзбек әдебиетінен 52 кітап жарыққа шығады. Бұл жұмыстар «Түбі бір түркі әлемі» жобасы аясында жүзеге аспақ. Алматыда бас қосқан қазақ-өзбек қаламгелері қос елдің әдебиеті мен мәдениетін сөз етті. Бұл кездесу түркінің мүддесін бір арнаға тоғыстыруды, тамырлас халықтарды жақындастыруды көздейді. Бауырлас елдің танымал ақын-жазушыларын насихаттау арадағы байланысты арттырып, түркі жұртына ортақ мол мұраны түгендеуге септігін тигізеді, - дейді жауаптылар.
Мереке Құлкенов, Қазақстан Жазушылар одағының төрағасы:
Бағдарламаның аясында түріктің де жазушыларын, Әзербайжанның да жазушыларын, татардың, башқұрттың жазушыларын бәрін бері қарай әкеліп шығарғымыз келіп отыр. Өйткені оның ар жағында шынында да түбі бір түркі әдебиеті болғаннан кейін, оның ар жағында біздің тарихымыз, біздің мұңымыз, елімізге деген махаббатымыз жатуы мүмкін. Өйткені күні кеше ғана бәріміз бір халық болдық қой.
Фарида Афруз, Өзбекстан Жазушылар одағы төрағасының орынбасары:
Біз де қазақ әдебиетінің көрнекті шығармаларын өзбек тіліне аударуға күш салып жатырмыз. Бұл істер екі елдің достығын одан әрі нығайтып, тарихи тамырластықты жалғастырады деп сенемін. Әдебиет, мәдениет, тіл жақындасса, кейін пікірлеріміз де ортақ болады.
Ернұр Медет
