Жаңалықтарды Telegram арнамыздан оқыңыз!Сауда және интеграция министрлігінің есебінше, Трамп тарифтері Қазақстанмен арадағы сауда-саттыққа айтарлықтай әсер етпейді. Былтыр Қазақстан мен АҚШ тауар айналымы 4 млрд 200 млн долларға жеткен. Оның 2 миллиарды Қазақстанның экспорты болса, 2 млрд 200 млн доллардың тауарын біз сатып алыппыз. Баж салығы Қазақстан экспорттап отырған барлық тауарға көтерілмейді. Тек фосфор, ферросилиций, линзалар, бидай клейковинасы, аммоний нитратына қатысты болмақ. Бұл тауарлардан түсетін жылдық табыс шамамен 95 млн доллар.
Альмира Хамзина, ҚР Сауда және интеграция министрлігі департамент директорының орынбасары:
Қабылданған тарифтік шаралар Қазақстанның АҚШ-қа жалпы экспортының тек 4,8 пайызына ғана әсер етеді. Үкімет Қазақстанға қатысты қосымша бажды қолданбау мүмкіндігін талқылау үшін АҚШ тарапымен консультация жүргізуге ниетті.
Сарапшылардың да пікірі осындай. Өйткені Қазақстаннан алып отырған уран Құрама Штаттар үшін стратегиялық маңызға ие. Сондықтан АҚШ-тың жаңа салық саясаты Қазақстандық экспорттаушыларға айтарлықтай әсер етпейді, дейді сарапшы-экономист Айбар Олжай.
Айбар Олжай, экономист:
Енді осы уран АҚШ баж қымбаттайды десе де, олардың негізгі АЭС-тері зардап шегеді. Сондықтан уран стратегиялық тауар ретінде баж салығын босатып жіберуі мүмкін. Қазақстанның уран бажынан босатса, онда бізге келіп-кетер ештеңе жоқ. Жалпы, АҚШ-тың баж салығын көтеруі бізге әсер бермейді.
Оңғар Алпысбайұлы
