Жаңалықтарды Telegram арнамыздан оқыңыз!Биыл Жетісу облысының құрылғанына - 3 жыл. Өз алдына дербес облыс болған аймақта аз уақытта 23 кәсіпорын іске қосылды. 759 жаңа жұмыс орны ашылды. Аумағында «Қорғас – Шығыс қақпасы» арнайы экономикалық аймағы мен «Қорғас» ХШЫО (Халықаралық шекара маңы ынтымақтастық орталығы) жұмыс істейді. Экономикалық аймақта алдағы 5 жылда 52 жоба іске асырылмақ. Панфилов ауданында күн панельдері, тоқыма бұйымдары мен ауыл шаруашылығы өнімдерінің өндірісі жолға қойылған. Өндірілген өнім көлемі 81,6 млрд теңгеге жетті.
Марат Сағымбеков, Панфилов ауданының әкімі:
Бізде кәсіпкерлік нысаннан 682 нысан бар. Оның сыртында 5000-дай шаруа қожалықтары тіркелген. Былтырдан бастап «Ауыл Аманаты» бағдарламасы қолға алынды. Мысалы бір кәсіпкерге өз бағдарламасы бойынша 9 млн-дай ақша бөлінді. Қазір 10 млн-ға дейін жеткізіп жатыр. Бір жылға дейін демалыс. Одан соң 2,5 пайызбен төленеді. Біздің өзімізде былтыр 96 кәсіпкер соған өтінім білдірген болатын.
Ғабит Ұзақбай
