Жаңалықтарды Telegram арнамыздан оқыңыз!«Алматы жастары» ипотекалық бағдарламасы аясында 3400-ден аса жастың өтініші мақұлданды. Құжаттарды қабылдау биыл 14-26 наурыз аралығында өтті. Барлығы 6600-ден аса өтінім түскен. Іріктеуден өткен 3400-ден аса қатысушы банкке жолдама алды. Олардың арасында білім, денсаулық сақтау, жұмыс істейтін жастар, республикалық мемлекеттік ұйымдардың қызметкерлері, құқық қорғау органдары мен басқа да саланың мамандары бар. Ал бағдарлама аясында ең жоғарғы несие сомасы – 20 млн теңгеге дейін. Жылдық пайыздық мөлшерлемесі – 5%. Бастапқы жарна – 10%-дан аспайды. Төлем қабілетін растау үшін банкке жолдама алғандар 15 жұмыс күні ішінде қаржы ұйымына хабарласуы керек. Төлем қабілеті расталған жағдайда қатысушылар 45 күн ішінде жаңа немесе нарықтағы екінші деңгейлі тұрғын үйді таңдай алады.
Қуан Нұрақын
