Жаңалықтарды Telegram арнамыздан оқыңыз!Ұлыбританияда көліктің көппәтерлі аулада жылдамдықты асырмауы үшін жолды әдейілеп, тарылтып салады. Жаяу жүргінші жүретін тротуар мен бала ойнайтын аумаққа көлікке тіпті кіруге болмайды. Әйтпесе, айыппұл салынады. Аулада арнайы автотұрақ қарастырылған, көлік тек сол аумақта тұруы тиіс. Барлық жерде бақылау камералары орнатылған. Олар автокөлік нөмірін танып, жол ережесі бұзылған жағдайға жүргізушіге теңгемен 70 мыңнан бастап, 700 мыңға дейін айыппұл салынады. Тұрғындар жергілікті кеңеске шағым түсіріп, аула маңындағы қозғалысты шектеуді талап ете алады. Кеңес жаяу жүргінші аймағын кеңейту, кедергілер орнату, арнайы белгілер қою сияқты шешім қабылдауға құзіреті бар.
Ричард Фандерс, сарапшы:
Ұлыбританияда көптеген тұрғын үй кешені ауласында және мектеп маңында сағатына 32 километрмен жүруге рұқсат етілген. Шектеу кейде одан да төмен болады. Ол туралы арнайы жол белгілерінде көрсетілген және асфальт бетінде де жазылады. Сондай-ақ жерге жылдамдық бәсеңдеткіш жасанды кедергілер қойылады.
Марина Бекенова
