Жаңалықтарды Telegram арнамыздан оқыңыз!Қостанайда бүгін күн райы күрт суытып, қатты дауыл соқты. Желдің екпіні тіпті ғимараттардың қасбеті мен шатырын жұлып әкеткен.
Мәдина Нағашыбай, тілші:
Бүгін табиғат тосын мінез танытты. Мамандардың айтуынша, желдің екпіні кейбір жерде секундына 30 метрге дейін жеткен. Қатты дауылға шыдамаған ағаштар көше бойында осылай құлап жатыр, кейбірі көліктерге зақым келтірген. Қаланың екі ауданында бірнеше үйде жарық сөнді. Қазір мұның бәрін қалпына келтіріп жатыр. Ал Қамысты, Сарыкөл аудандарында бұршақ аралас қар жауған. Қатты дауыл өңірдегі тас жолдарда да жағдайды қиындатқан. Қостанай-Лисаков бағытында құмды дауыл көтеріліп, Федоров тас жолында дауылға шыдамай ауыр жүк көлігі аударылып қалған. Зардап шеккендер жоқ. Қазір жел басылған. Қала әкімдігі келтірілген зиян, шығындарды есептеп жатыр.
Мәдина Нағашыбай
