![Назарбаев Ресейге сәттілік тіледі](https://cdn.qazaqstan.tv/old/articles/7/article_78501.jpg?w=928&h=522&format=jpg&resize=aspectfill&g=center)
Елбасы Нұрсұлтан Назарбаев Ресейдің Сочи Олимпиадасын сәтті өткізуіне тілектестігін білдірді. «Біз әлем көз тіккен маңызды оқиға - Сочидегі XXII Қысқы Олимпиада ойындары қарсаңында кездесіп отырмыз. Бұл ТМД елдері арасында тұңғыш болғалы тұрған жарыс. Сондықтан, ойынды ұйымдастырушы ел біздің стратегиялық серіктесіміз – Ресей Федерациясына сәттілік тілеймін»,-деді Нұрсұлтан Назарбаев Ақордада дипломатиялық корпуспен кездесуінде.
«Сіздердің құрама командаларыңызға жеңіс тілей отырып, 2022 жылы XXIV Қысқы Олимпиада ойындарын өткізу құқығын иелену мәселесі бойынша сіздің ел Алматыны қолдайды деген сенімдеміз»,-деді Елбасы.
Еске сала кетейік, Сочи Олимпиадасы 7 ақпан күні басталады. Әлемдік доданың ашылу салтанатына Нұрсұлтан Назарбаев қатысады деп күтілуде.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Назарбаев Ресейге сәттілік тіледі&mh_tags=Qazaqstan&mh_page=https://qazaqstan.tv./index.php/news/23097/)