Қысқы Паралимпиада ойындарының тарихында Қазақстан үшін алтын медаль алған тұңғыш спортшы Александр Колядин келесі Паралимпиадаға қатысуға ниетті. Шаңғышы бұл туралы бүгін баспасөз мәслихатында айтты. Сондай-ақ, ел үмітін ақтағаны үшін қуанышты екенін жеткізді. Айта кетейік, Қысқы Паралимпиада ойындары наурыздың 9-18-і күндері Оңтүстік Кореяның Пхенчхан қаласында өтті. Жарысқа әлемнің 47 мемлекетінен 450 спортшы барған. 6 спорт түрінен 80 медаль тартысқа салынды. Елімізден 6 спортшы екі спорт түрінен бақ сынады. Солардың арасынан Александр Колядин шаңғы жарысынан алтынды алқалаған болатын.
Александр Колядин, Паралимпиада чемпионы:
- Ассалаумағалейкум, қазақстандықтар! Мен сіздерді қуанттым деген үміттемін. Сіздерді Наурыз мейрамымен құттықтаймын! Барынша тырысып, сіздерге жақсы сый әкелдім деп ойлаймын.
Азамат НҰҒЫМАНОВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Александр Колядин тағы да додаға түсуге ниетті&mh_tags=Qazaqstan&mh_page=https://qazaqstan.tv./index.php/news/29668/)