![Алтын контрабандасының жолы кесілді](https://cdn.qazaqstan.tv/old/articles/6/article_67430.jpg?w=928&h=522&format=jpg&resize=aspectfill&g=center)
«Жайық» шекаралық бақылау бекетінде ірі көлемдегі алтын контрабандасының жолы кесілді. Күдікті ретінде «Мәскеу-Алматы» пойызының 33 жасар жолсерігі ұсталды.
Пойызға тығылған контрабандалық тауар кезекті тексеру кезінде табылды. Шекардан заңсыз өткізілген зергерлік бұйымдардың жалпы салмағы 2 келі 800 граммды құраса, нарықтағы бағасы 10 миллион теңгенің төңірегінде. Қазір қылмыстық іс Қаржы полициясына жолданды.
Саят Шубаев, 20/29 әскери бөлімі командирінің орынбасары:
Табылған алтын Украина елінде жасалған. 585-ші белгілі. Алтынның арасында 450 сақина, 195 сырға, 1 алқа, 1 түйрегіш болды. Ұсталған азаматтың сөзіне қарағанда, оның танысы алтынды Мәскеу қаласынан Алматы қаласына жеткіз деп сұраған.
Рауан ДИӘЛИ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Алтын контрабандасының жолы кесілді&mh_tags=Qazaqstan&mh_page=https://qazaqstan.tv./index.php/news/30285/)