![Баспанаға мұқтаж 45 отбасы қуанышқа кенелді](https://cdn.qazaqstan.tv/old/articles/6/article_68298.jpg?w=928&h=522&format=jpg&resize=aspectfill&g=center)
Наурыз мерекесіне орай Көкшетау қаласында баспанаға мұқтаж 45 отбасы қуанышқа кенелді. Оларға «Сарыарқа» шағын ауданынан жаңа пәтерлердің кілті салтанатты түрде табысталды.
Үйлі болғандардың басым көпшілігі - талай жылдан бері баспана кезегінде тұрған азаматтар. Сондай-ақ, жаңа үйге қоныстанғандардың қатарында жетімдер мен Ауған соғысының ардагерлері де бар.
Айта кету керек, Көкшетауда көп қабатты тұрғын үй салу соңғы екі жылда қарқынды жүргізілуде. Жыл аяғына дейін «Қолжетімді баспана-2020» бағдарламасы бойынша тағы 80 жас отбасыға пәтер кілттері табысталмақшы.
Жәнібек Есдәулетов, Көкшетау қаласының тұрғыны:
Жеті жыл кезекте тұрдық. Көп күттік. Жаңа пәтер өзімізге ұнады. Үкіметке көп рахмет!
Ерболат ТӨЛЕГЕНҰЛЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Баспанаға мұқтаж 45 отбасы қуанышқа кенелді&mh_tags=Qazaqstan&mh_page=https://qazaqstan.tv./index.php/news/31998/)