![Бүгін Сенат сайлауы өтті](https://cdn.qazaqstan.tv/old/articles/7/article_70059.jpg?w=928&h=522&format=jpg&resize=aspectfill&g=center)
Бүгін түске дейін барлық облыс орталығы мен Астана және Алматы қалаларында Парламент Сенатының депутаттарының сайлауы өтті.
Қазір кейбір өңірдегі басым дауыс алған кандидаттардың аты-жөні белгілі бола бастады. Орталық сайлау комиссиясы ертең сағат таңғы онда ресми қорытынды жариялайтын болады.
Айта кету керек, Парламенттің жоғары палатасы 47 депутаттан тұрады. Олардың 32-сі, дәлірек айтсақ әрбір өңірден екі депутат 6 жылға сайланады. Қалған 15 сенаторды Президент тағайындайды.
Бұл жолы сайлау барысын халықаралық ұйымдар мен БАҚ өкілдерінен тұратын 276 бақылаушы қадағалады.
Дулат АБИБУЛЛАЕВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Бүгін Сенат сайлауы өтті&mh_tags=Qazaqstan&mh_page=https://qazaqstan.tv./index.php/news/35799/)