![Қазақстанда 5 миллион бала бар](https://cdn.qazaqstan.tv/old/articles/7/article_72675.jpg?w=928&h=522&format=jpg&resize=aspectfill&g=center)
Соған орай еліміздің түкпір-түкпірінде балғындарға арналған мерекелік шаралар ұйымдастырылуда.
Қазақстанда балалардың құқықтары мен мүддесін қорғайтын бірнеше қоғамдық және қайырымдылық қор бар. Соның бірі – «Асыл бала» қауымдастығы.
Қауымдастық өкілдері бүгінгі мереке күні Орталық коммуникациялар қызметіне келіп, жоспарларымен бөлісті. Мамандар алдағы уақытта балғындардың мүддесін қорғаудың жаңа бағдарламасын әзірлемек.
Жалпы Қазақстанда 5 миллионнан аса бала бар. Оның 37 мыңға жуығы жетімдер үйінде тәрбиеленуде. 138,5 мың баланың мүмкіндігі шектеулі.
«Асыл бала» қауымдастығының ең үлкен жобасы ол - аналар үйі. Онда сәбиінен бас тартқысы келген жас аналарға психологиялық және әлеуметтік көмек көрсетіледі.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қазақстанда 5 миллион бала бар&mh_tags=Qazaqstan&mh_page=https://qazaqstan.tv./index.php/news/40853/)