Жаңалықтарды Telegram арнамыздан оқыңыз!Астананың мамандандырылған ауданаралық әскери соты бүгін бірқатар лауазымды тұлғаларға қатысты үкім шығарды. Былтыр Қорғаныс министрлігінің жеке әскери құрамаларын тамақтандыруды ұйымдастыру қызметіне тендер жарияланған. Оны алуға бекінген кәсіпкерлер жауапты шенеуніктерге қаржының белгілі бір пайызымен бөлісетін болып келіседі. Мәселен, олар Қаржы министрлігі Қаржылық бақылау комитетінің бұрынғы қызметкері Ибадуллаевқа I-Phone 6 мен 30 мың доллар, қаржы инспекциясының қызметкері Тілеубаевқа 5 мың доллар берген.
Ал, Қорғаныс министрлігінің қызметкерлері Жұмғазиев пен Шәріповке 70 млн. теңгеге жуық пара дайындалған. Ұзын саны 11 адамға 2 жылдан 12 жылға дейін бас бостандығынан айыру жазасы кесілді.
Елдос САПАРҒАЛИ
