Сауд Арабиясынан депортацияланған «Шейх Халил» деген лақап есіммен танымал болған Абдухалил Абдужаббаров 8 жылға бас бостандығынан айырылды. Бүгін Орал қалалық сотында оған әлеуметтік, ұлттық, нәсілдік және діни алауыздық тудырды деген айып тағылып, үкім шығарылды. Абдужаббаровтың ұлты - өзбек. Жасы - 43-те. Мамандығы бойынша дінтанушы. Ол соңғы жылдары Сауд Арабиясында тұрып келген. Онда кітапханалардың бірінде жұмыс істеген. Абдужаббаров 2003-2006 жылдары Атырау, Ақтөбе, Орал қалаларында тұрғындарды экстремистік сипаттағы іс-әрекеттерге үгіттеген. Сотқа дейінгі тергеу барысында айыпталушының терроризмді насихаттап, қарулы жиһадқа шақырған аудиожазбаларына сараптама жасалған.
Ардақ МҰРАТҚЫЗЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«Шейх Халил» 8 жылға сотталды&mh_tags=Qazaqstan&mh_page=https://qazaqstan.tv./index.php/news/56173/)