Оңтүстік Қазақстан облысының Сарыағаш ауданында «балаңды білім ордаларының біріне оқуға түсіріп беремін» деп, жұрттан алдап ақша алған алаяқ ұсталды. Осы істі кәсіп еткен жергілікті азамат соңғы рет әлдебір ата-ананың 700 мың теңгесін алып кеткен. Жәбірленушілердің арызы бойынша із кескен полицейлер көп ұзамай жасы отыздар шамасындағы жігітті қолға түсірді. Тергеу барысында оның тағы осындай 6 алаяқтық іске қатысы бары анықталды. Ол адамды алдап-арбау арқылы осы кезге дейін 5 миллион теңгені қалтасына басқан. Қазір бұл деректер бойынша сотқа дейінгі тергеу ісі жүріп жатыр.
Ғани ҚАЛМАХАНОВ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=ОҚО-да жұрттан алдап ақша алған алаяқ ұсталды&mh_tags=Qazaqstan&mh_page=https://qazaqstan.tv./index.php/news/59752/)