Батыс Қазақстанда бір отар қойды қасқыр қырып кетті. Шаруа қожалығы 40-тан астам асыл тұқымды малынан айырылып отыр. Оқыс жайт Сырым ауданына қарасты Аңқаты ауылы маңында болған. Малдың өлексесі ауылдан 7-8 шақырым қашықтықта табылған. Түз тағысы ел ішіне кірмеген. Өрістегі малға шапқан. 60 қойдың тек 19-ы ғана аман қалды. Қожалықтағы қой еділбай тұқымдас. Енді ауыл аңшылары көкжал аулауға кіріспек. Қазір қасқырлардың жемтік іздейтін маусымы.
Нұрлан Досанов, шаруа қожалығының басшысы:
- Ірі қара малды жинап жүріп, бір малшы қойдан айырылып қалған. Енді осындай жағдай болып жатыр. 60 қойдан 19-ы келді. Қалғаны жоқ. Іздедік, таба алмай жатырмыз.
Ардақ МҰРАТҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=БҚО-да қойға қасқыр шапты&mh_tags=Qazaqstan&mh_page=https://qazaqstan.tv./index.php/news/62789/)