90-шы жылдары жұрт үдере көшкенде, мұнда 26 мыңға жетер-жетпес адам қалған еді. Қазір халықтың саны 42 мыңнан асты. Бұл - шағын шаһардың әлеуметтік-экономикалық ахуалы тұрақтанғандығының көрінісі.
Соңғы төрт жылдың ішінде Арқалықта он шақты көпқабатты үй және әлеуметтік нысандар қайтадан қалпына келтірілген. Биыл қаланың тұрғын үй-коммуналдық шаруашылығын дамытуға 1 миллиард 500 миллион теңгеге жуық қаржы бөлініп отыр. Оның басым бөлігі іргедегі Дачный және Восточный ауылдарына ауызсу құбырын тартуға жұмсалмақ. Сондай-ақ, қаланы абаттандыруға да қомақты қаржы қаралған.
Индира Хамзина, Арқалық қаласының экономика және бюджетті жоспарлау бөлімінің сектор меңгерушісі:
- Арқалық қаласының жолдарын жөндеуге 500 миллионға жуық ақша бөлінеді. Оның 255 миллионы Арқалық – Ашутасты - Шилі автожолын жөндеуге бөлінген.
Дәуренбек ӘБДІБЕК
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Арқалықта тұрғындар саны өскен&mh_tags=Qazaqstan&mh_page=https://qazaqstan.tv./index.php/news/64539/)