![«WestKazinvest» халықаралық форумы өтті](https://cdn.qazaqstan.tv/old/articles/7/article_75339.jpg?w=928&h=522&format=jpg&resize=aspectfill&g=center)
Орал қаласында «WestKazinvest» халықаралық форум-көрмесі өтті. Еліміздің бірнеше облысы мен Ресей және Әзірбайжан елдерінің өкілдері қатысқан жиында, туризм, инновация, кәсіпкерлік және ғылыми байланыстарды дамыту мәселелері кеңінен талқыланды. Сондай-ақ, құрылыс, инвестиция, мұнай-газ салалары бойынша өзара ынтымақтастық туралы 10-нан астам меморандумға қол қойылды.
Өткен 8 айда өңір экономикасына тартылған инвестиция көлемі 139 миллиард теңгеге жетіп, 25 пайыз өсімді көрсетті. Әсіресе, Кедендік одақ елдерімен қарым-қатынас артқан. Мұны форумнан да байқауға болады. Өйткені, биыл оған қатысқан ресейлік компаниялардың саны өткен жылғыдан екі есеге көп. Олар түрлі салада әріптестікті дамытуды көздейді.
Рауан ДИӘЛИ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=«WestKazinvest» халықаралық форумы өтті&mh_tags=Qazaqstan&mh_page=https://qazaqstan.tv./index.php/news/7032/)