АҚШ-тың Нью-Йорк қаласында тұрғын үйде өрт шығып, кемінде 12 адам қаза тапты. Тағы 10-нан астамы жараланып, ауруханаға жеткізілген. Құрбандар саны әлі де өсуі мүмкін.
«Ассошиэйтед пресс» агенттігінің хабарлауынша, оқиға Бронкс ауданында 5 қабатты үйде болды. Лапылдаған от кешкі сағат 7 шамасында басталған. Тілсіз жаумен күреске 170 өрт сөндіруші тартылды. Соңғы деректер бойынша, қазір өрт толығымен сөндірілді. Әзірге оның себебі анықталған жоқ.
Бил де Блазио, Нью-Йорк мэрі:
- Бұл - соңғы жылдары қаламызда болған ең алапат өрт. Қолда бар деректер бойынша, лапылдаған жалын 12 адамның өмірін қиды. Олардың арасында 1 жасар бала бар.
Мақпал СЕРЖАНҚЫЗЫ
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Нью-Йоркте өрттен 12 адам қаза тапты&mh_tags=Qazaqstan&mh_page=https://qazaqstan.tv./index.php/news/71206/)