Вашингтон Солтүстік Корея лидері Ким Чен Ынға келесі айға жоспарланған саммитте президент Дональд Трамппен «ойнамауды» ескертті. Мұндай мәлімдемені АҚШ-тың вице-президенті Майк Пенс «Фокс Ньюс» телекомпаниясына берген сұхбатында жасады. Оның сөзінше, Трамп маусымның 12-де өтетін кездесуден кетіп қалуы да мүмкін.
Бұған дейін АҚШ-тың Ұлттық қауіпсіздік кеңесшісі Джон Болтон Солтүстік Кореяны Ливия тәрізді ядролық қарудан бас тарттыруға болатынын айтқан-ды. Сол сөзден кейін Ким Сингапур саммитіне қатыспауы мүмкін екенін хабарлады.
Айта кетсек, Ливия лидері Муаммар Каддафи атомдық бағдарламасынан бас тартқаннан кейін 8 жыл өткенде Батысқа арқа сүйеген көтерілісшілердің қолынан қаза тапқаны белгілі.
Ал, осыдан бірнеше сағат бұрын Трамп-Ким саммиті жоспарын талқылау үшін Вашингтонға Оңтүстік Корея президенті Мун Чжэ Ин барды.
Арыстан РЫСБЕК
«Qazaqstan TV» мобильді қосымшасын AppStore және Play Market сервистерінен тегін жүктеп алыңыз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Трамп саммиттен кетіп қалуы мүмкін&mh_tags=Qazaqstan&mh_page=https://qazaqstan.tv./index.php/news/71879/)