Оңтүстік Кореяда алапат дауыл көтерілді. «Соулик» тайфуны елдің Чеджудо аралына соққы беріп, енді Сеулге қарай беттеп барады. Ол өзімен бірге жауын-шашын әкеліп, нөсер түні бойы дамылсыз жауған.
Жергілікті бұқаралық ақпарат құралдарының хабарлауынша, дүлей дауыл кезінде 1 адам қаза тауып, біреуі жоғалып кетсе, енді бір тұрғын жараланды. Сонымен қатар, аралда көлік қозғалысы нашарлаған.
«Ренхап» агенттігінің мәліметінше, 6,5 мың үй электр жарығынсыз отыр. Теңіз порттарының көбі жұмысын тоқтатып, 9 әуежайда рейстер кейінге қалдырылды. 1,5 мыңдай мектепте сабақ доғарылған.
Елдің барлық провинцияларына табиғи апатқа дайын болу туралы ескерту жасалды. Ауа райын бақылаушылардың дерегінше, «Соулик» Шығыс Теңізге жетіп, бүгін-ертең Ресейдің Владивосток қаласында соққы беруі мүмкін.
Арай ТӨЛЕГЕНҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Оңтүстік Кореяда «Соулик» тайфуны соққы берді&mh_tags=Qazaqstan&mh_page=https://qazaqstan.tv./index.php/news/72278/)