Оның қолындағы соңғы ауыл – Бағозды алу операциясының басталғанына бір аптадан асты. Сәрсенбі күні бұл елді мекеннен мал тасуға арналған 22 машинасымен жүздеген бейбіт тұрғын шығарылды. Көбі – әйелдер мен балалар. Босқындардың қажығаны, ашыққаны, зорыққаны сонша - өткен аптада олардың 60 шақтысы лагерьге жеткеннен кейін, қайтыс болған.
АҚШ бастаған коалиция өкілдерінің мәлімдеуінше, Бағоздың шағын ғана бөлігінде «ДАИШ»-тың 300-дей тәжірибелі содыры қалған. Солардың айтарлықтай бөлігі – шетелдіктер. Олар өлгенше соғысуға бекініп отыр.
«ДАИШ» 2014 жылы Ирак пен Сирия территориясының үштен бір-бөлігін басып алып, халифат жариялады. Алдағы күндері экстремистік ұйым сол аумақтан түгел айрылуы мүмкін.
Арыстан РЫСБЕК
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.